Psalm 79
79
1Een Psalm. Von Asaf.
Gott, de Heiden sent en dien Oawgoot jekomen, ha dienen heiljen Tempel veonreinicht, ha Jerusalem toom Trimmahupe jemoakt.
2De Doodeskjarpa von diene Kjnajchts ha see de Himmelsväajel too Speise jejäft, daut Fleesch von diene Fromme de wille Tieren de Ieed.
3See ha äa Bloot aus Wota vegoten, runtom Jerusalem häa, un kjeena wia doa, dee begroof.
4Wie sent eene Schmach jeworden fa onse Nobasch, een Spott un Schaund dän, dee ons omjäwen.
5Woo lang noch, Har? West du emma wada oajalich sennen, saul aus Fia brennen dien Iewa?
6Schedd dien Oaja ut äwa de Heiden, dee die nich kjanen, un opp de Kjennichrikjs, dee dienen Nomen nich aunroopen.
7Dan maun haft Jakob vetäat, un siene Wonunk ha see vewust.
8Jedenkj ons nich de Onjerajchtichkjeiten de Väaelren, lot ons diene Erboarmungen boolt entjäajen komen, dan sea schwak sent wie jeworden.
9Halp ons, Gott ons Heil, om de Iea dienen Nomes wellen; un rad ons, un vezei onse Sinden om dienen Nomes haulwen!
10Wuarom sellen de Heiden sajen: Wua es äa Gott? Lot unja de Heiden ver onse Uagen to weeten de Rach fa daut vegotne Bloot diene Kjnajchts!
11Lot ver die komen daut Seften dee Jefangne; nodäm groote dienen Oarm lot äwabliewen de Doodeskjinja!
12Un jeff onse Nobasch äaren Spott, met waut see die, Har, jespott ha, 7-fach en äarem Bossem trigj.
13Soo woa wie, dien Volkj, un de Häad von diene Weid, die eewich danken, dien Riem vetalen von Jeschlajcht too Jeschlajcht.
Currently Selected:
Psalm 79: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
