Psalm 73
73
1Een Psalm. Von Asaf.
Jewess, Gott es Israel goot, dän, dee een reinet Hoat haben.
2Oba ekj - weinich fäld, soo wieren miene Feet aufjegonen, om nuscht wieren miene Schräd utjejleppt.
3Dan ekj beneid de Äwamootje, aus ekj daut Gootgonen de Gottloose sach.
4Dan kjeene Kwol ha see bie äarem Doot, un jemast es äa Lief.
5See sent nich em Älent de Menschen, un met de Menschen woaren see nich jeploagt.
6Doarom omjäft an de Stolt aus eene Haulskjäd, met Jewault ha see sikj jekjleet.
7Äa Uag kjemt ut däm Fat väa; see doonen waut äarem Hoaten jefällt.
8See spotten un räden en Iebel von Bedrekjung; von bowen rauf räden see.
9See saten em Himmel äa Mul, un äare Tung waundelt opp de Ieed.
10Doarom dreit sikj sien Volkj hiahäa, un väl Wota woat von an jedrunken.
11Un see sajen: Woo wist Gott daut, un woo saul de Hechsta Kjantnis doavon ha?
12Kjikj, dise sent Gottloose, un, emma sorjloos, see vemieren äa Vemäajen.
13Aulsoo, vejäfs ha ekj mien Hoat jereinicht, un en Oschult miene Henj jewoschen, 14doa ekj däm gaunzen Dach jeploagt wort un jieda Morjen miene Zuchtijung doa wia.
15Wan ekj jesajcht haud: Ekj well krakjt soo räden, kjikj, soo wia ekj ontru jewast däm Jeschlajcht diene Säns.
16Doa docht ekj no, om dit to bejriepen: Eene mäjvollen Oabeit wia daut en miene Uagen;
17bot ekj nenn jinkj enne Heilichtums Gottes (El) un acht jeef opp äa Enj.
18Jewess, opp glauten Grunt satst du an, du latst an en Teischunge faulen.
19Woo sent see soo platslich vewustet, ha een Enj jenomen, sent derch Schrakj omjekomen!
20Aus een Droom nom Oppwakjen woascht du, Har, biem Oppwakjen äa Bilt veachten.
21Aus mien Hoat sikj vebettad un daut mie en miene Nieren stuak, 22doa wia ekj domm un wist nich; een Tia wia ekj bie die.
23Doch ekj sie emma bie die; du hast mie aun miene rajchte Haunt jefot; 24derch dienen Rot woascht du mie leiden, un nohäa woascht du mie enne Harlichkjeit (met Iea) oppnämen.
25Wäm ha ekj em Himmel? Un buta die ha ekj aun nuscht Lost oppe Ieed.
26Mien Fleesch vejeit un mien Hoat - de Fels von mienem Hoat un mien Deel es Gott opp eewich.
27Dan kjikj, daut woaren omkomen, dee die wiet auf sent; du vetiljst aule, dee ontru von die aufgonen.
28Oba ekj, Gott dichtbie too komen es fa mie goot; ekj ha mien Toovetruen opp däm Harn, Gott, jesat, om diene aule Woakjen to vetalen.
Currently Selected:
Psalm 73: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
