Psalm 74
74
1Een Maskil (Belierunk). Von Asaf.
Gott, wuarom hast du fa emma vestat, rieekjat dien Oaja jäajen diene Häad opp diene Weid?
2Jedenkj aun diene Jemeent, dee du ver Tieden erwoawen hast, erleest aus dien Oawgoot - däm Boajch Zion, opp däm du jewont hast!
3Erhäw diene Schräd no dee emma bliewende Trimma (Vebräakjen)! Aules em Heilichtum haft de Fiend vedorwen.
4Daut brelle diene Fiend enne Medd diene Vesaumlungen; see ha äare Tieekjen aus Wunda hanjestalt.
5See erschienen aus eena, dee daut Biel opphäft aune Asta em Woolt; 6un nu veschlonen see aule siene jeschnädne Woakjen met Biels un Homasch.
7See ha dien Heilichtum en Braunt jestekjt, bat opp däm Grunt entweit de Wonunk von dienem Nomen.
8See säden en äarem Hoaten: Lot ons an aula toop doldrekje! - Vebrennt ha see aule Vesaumlungsstäde Gottes em Launt.
9Onse Tieekjen seenen wie nich; kjeen Profeet es mea doa, un kjeena bie ons, dee doa weet, bat wanea.
10Woo lang noch, oo Gott, saul de Bedrenja spotten, saul de Fiend emma wada dienem Nomen veachten?
11Wuarom trakjst du diene Haunt un diene Rajchte trigj? Ut dienem Bossem väa, vetilj an.
12Un doch es Gott mien Kjennich von jeehäa, dee Radinj schauft enne Medd em Launt.
13Du deelsd daut Mäa derch diene Macht, du vespoolst de Kjap de Ojjeheia oppem Wota.
14Du veschmatascht de Kjap de Leviatan, jefst am to Speise däm Volkj, dee Bewona de Wieste.
15Du leetst Kjwalen un Wotastroom väakomen, emmaranende Streem drieejsd du ut.
16De Dach es diena, diene uk de Nacht; du hast de Lichta (Mon) un de Sonn reed jemoakt.
17Du hast aule Jrensen de Ieed faustjestalt; Somma un Winta, du hast dee jeschaufen.
18Bedenkj daut: De Fiend haft däm Harn vespott, un een gottlooset Volkj haft dienem Nomen veacht.
19Jeff nich däm Rauptia de Seel diene Turtelduw; daut Läwen diene Älendje woascht du nich fa emma vejäten.
20Kjikj han opp däm Bunt! Dan de diestre Uaten de Ieed sent voll von Woninj de Jewault.
21De Unjadrekjta kjemt nich beschämt trigj; lot dän Älenden un Oamen dienen Nomen lowen.
22Sto opp, oo Gott, fia dienen Rajchtstriet! Jedenkj, aun de Noaren, {Ps.14,2} dee, däm gaunzen Dach, die vespotten!
23Vejat nich de Stemm diene Jäajna! Daut Jeschrech von diene Fiend sticht bestendich enopp.
Currently Selected:
Psalm 74: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
