Psalm 65
65
1Däm Väasenja. Een Psalm. Von David. Een Leet.
2 Opp die hopt em Stellen de Loffjesank, oo Gott, en Zion, un die woat betolt woaren daut Vespräakjen.
3 Du Erheara de Jebäda! No die woat komen aulet Fleesch.
4Onjerajchtichkjeiten ha mie äwawaultijt; onse Äwaträdungen, du woascht dee vejäwen.
5Seelich dee, däm du erwälst un noda komen latst, daut hee en dienem Väahoff wont! Wie woaren saut woaren met däm Goodem en dienem Hus, dienem heiljem Tempel.
6Du woascht ons auntwuaden derch furchtboare Dinj en Jerajchtichkjeit, Gott ons Heil (Radunk) du Hopninj fa aule Enj de Ieed un de wiede Mäasch, 7dee de Boaj fauststalt derch siene Krauft, omgortet es met Macht, 8dee doa stellt daut Bruzhen de Mäasch, daut Bruzhen äare Walle un daut Toobe de Nazionen.
9Un daut ferchten sikj de Bewona de Enj de Ieed, fa diene Tieekjen; du bewirkjst, daut de Morjen un Owent Oppgank jublen.
10Du hast die de Ieed aunjenomen un äa saut jemoakt, du muakst dee sea rikj: Gottes Stroom es voll Wota. Du muakst äa Jeträajd reed, dan aulsoo hast du dee reedjemoakt.
11Du drenkjst äare Foaren, moakst jlikj äare Kjlieta, du moakst dee wieekj met Blies (Räajen), säajenst äa Jewauss.
12Du hast daut Joa met dienem Goot jekjreent, un diene Spuare sent von Fat.
13De Weidstapen sent fatich, un met Jubel omgorten sikj de Aunboaj.
14De Weiden bekjleede sikj met Häaden, un de Schluchten bedakjen sikj met Jeträajd; see jublen, jo, see sinjen.
Currently Selected:
Psalm 65: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
