Psalm 64
64
1Däm Väasenja. Een Psalm von David.
2Hea, Gott, miene Stemm en mienem Kloagen; vom Schrakj miene Fiend bewoa mien Läwen!
3Bewoa mie fa däm jeheemen Rot dee Iebel doonen, fa de Menj, dee Fräfel doonen, 4dee äare Tung jeschoapt ha aus een Schwieet, äa Feila aunjelajcht, bettret Wuat, 5om em Vestäakj opp däm Onschuldjen too scheeten: Plazlich scheeten see opp am un enjsten sikj nich.
6See stoakjen sikj en eene beese Sach; see räden doavon, Schlenjen too vestoppen; see sajen: «Wäa woat ons seenen?»
7See sennen fräfelhauft: «Wie ha daut foadich, de Plon es utjedocht!» Un eenem jiedrem sien Ennalichet un Hoat es deep.
8Oba Gott woat opp an scheeten - plazlich kjemt een Feila: Äare Wunden sent doa.
9Un see woaren toom Faul jebrocht, äare Tung kjemt äwa an; aula, dee an seenen, woaren däm Kopp schedren.
10Un aule Menschen woaren sikj ferchten un daut Doonen Gottes vekjindjen un sien Woakj beachten.
11De Jerajchta woat sikj em Harn freien un bie am Tooflucht sieekjen; un aule von Hoaten Opprechtje woaren sikj riemen.
Currently Selected:
Psalm 64: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
