Psalm 66
66
1Däm Väasenja. Een Leet, een Psalm.
Jubelt Gott, de gaunze Ieed!
2Besinjt too Iea sienem Nomen, moakt harlich sienen Loff.
3Sajcht too Gott: Woo furchtboa sent diene Woakjen! Wäajen diene groote Macht doonen sikj unjadon diene Fiend met schmeichlen.
4Dee gaunze Ieed woat die aunbäden un die Psalmen sinjen; see woat dienen Nomen besinjen. (Sela)
5Komt un kjikjt de Woakjen Gottes; furchtboa es hee en sienem Doonen jäajen de Menschenkjinja.
6Hee vewaundelt daut Mäa en drieejet Launt, see jinjen too Foot derch däm Stroom; doa freid wie ons en am.
7Hee harscht eewich derch siene Macht; siene Uagen beoobachten de Velkja. Daut sikj de Wadaspanstje nich erhäwen. (Sela)
8Loft, jie Velkja, onsem Gott, un lot hieren de Stemm von sienem Riem; 9dee onse Seel aum Läwen erhelt un nich toojeloten haft, daut onse Feet wanken!
10Dan du hast ons jeprooft, oo Gott, du hast ons jereinicht, aus maun Selwa reinicht.
11Du hast ons em Nat jebrocht, hast eene drekjende Laust opp onse Hoften jelajcht.
12Du hast Menschen opp onse Kjap rieden loten; wie sent em Fia un em Wota jekomen, oba du hast ons rutjefieet toom Äwafluss.
13Ekj well met Brauntopfa en dien Hus nenn gonen, well die mien Vespräakjen betolen, 14nodäm sikj miene Leppen wiet opjemoakt ha, un dee mien Mul en miene Bedrenkjnis utjesproake haft.
15Brauntopfa von Mastfee well ekj die opfren met Rieekjastoff (Weiruak, seeta Ruak) von Bakj; Rinda met Bakj well ekj opfren. (Sela)
16Komt, hieet too, aula, dee jie Gott ferchten, un ekj well vetalen, waut hee aun miene Seel jedonen haft.
17No am roopt ekj met mienem Mul, un siene Erhäwung (Preisung) wia unja miene Tung.
18Wan ekj daut en mienem Hoaten opp Orrajcht aufjeseenen ha, soo haud de Har nich jehieet.
19Doch Gott haft jehieet, hee haft jemoakjt opp de Stemm en mienem Jebäd.
20Jesäajent es Gott, dee mien Jebäd nich aufjewäsen haft, un siene Huld von mie nich aufjedreit haft.
Currently Selected:
Psalm 66: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
