Psalm 63
63
1Een Psalm von David, aus hee enne Wieste Juda wia.
2Gott, du best mien Gott (El)! Tiedich sieekj ekj die. Daut darscht miene Seel no die, mien Fleesch velangt no die en eenem drieejen un meedem Launt onen Wota -
3soo aus ekj die aunjeseenen ha em Heilichtum, om diene Macht un diene Harlichkjeit to seenen.
4Dan diene Jnod es bäta aus Läwen; miene Leppen woaren die riemen.
5Soo woa ekj die lowen en mienem Läwen, miene Henj opphäwen en dienen Nomen. 6Aus von Moakjs un Fat woat miene Seel saut woaren, un met jubelnde Leppen woat mien Mul die lowen,
7wan ekj aun die denkj opp mienem Loaga, äwa die senn enne Nachtwoak.
8Dan du best mie too eene Help jewast, un ekj woa jublen em Schauten diene Flichten.
9Miene Seel henjt aun die, diene Rajchte helt mie faust.
10Oba jane, dee no mienem Läwen trachten, om daut too vedoawen, woaren enne unjaschte Uaten de Ieed nengonen.
11Maun woat an de Jewault vom Schwieet hanjäwen, Aundeel de Schakale woaren see sennen.
12Un de Kjennich woat sikj freien en Gott; riemen woat sikj jiedra, dee bie am schwieet; dan daut Mul de Läajesrädende woat vestopt woaren.
Currently Selected:
Psalm 63: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
