Psalm 6
6
1Däm Väasenja, met Seidenspell, opp de acht seidje Hoap {1Chr.15,20.21}. Een Psalm von David.
2Har, strof mie nich en dienem Oaja, un bestrof mie nich en dienem Jrim!
3Sie mie jnädich, Har! Dan ekj sie vewalkjt; heel mie, Har! Dan miene Knoakes sent enjstlich (vefieet).
4Un miene Seel es sea enjstlich. Un du, Har, woo lang?
5Komm trigj, Har, erlees miene Seel; rad mie om diene Jnod wellen!
6Dan em Doot denkjt maun nich aun die; em Scheol (Doodenrikj (griechisch: Hades)), wäa woat die danken?
7Ekj sie meed derch mien Seften; jieda Nacht schwam ekj mien Bad, moak met miene Tronen mien Loaga naut.
8Vefole es mien Uag fa Trua, jeellat (bejoat) von aul miene Bedrenja.
9Got wajch von mie aule, jie Fräfel (Iebel) doonende! Dan de Har haft miene hielende Stemm jehieet.
10De Har haft mien Bedden jehieet; mien Jebäd neem de Har aun.
11Aule miene Fiend woaren beschämt un sea enjstlich (vefieet) woaren; see woaren trigj gonen, see woaren plazlich beschämt woaren.
Currently Selected:
Psalm 6: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
