Psalm 5
5
1Däm Väasenja, met Fleetenspell. Een Psalm von David.
2Nemm too Oaren, oo Gott, miene Wieed, moakj opp mien Nosennen (Kloagen)!
3Horch opp de Stemm en mienem Schrieen, mien Kjennich un mien Gott! Dan to die bäd ekj.
4Zemorjes west du, Gott miene Stemm hieren, zemorjes woa ekj mien Aunlidjen die brinjen (väastalen) un luaren.
5Dan du best nich een Gott, dee aun Gottloosichkjeit jefaulen haft; bie die woat daut Beese nich bliewen.
6De Prola (Äwamotje) woaren nich bestonen ver diene Uagen; du haust aule, dee Fräfel doonen.
7Du woascht vetiljen de Läajes räden; däm Blootdarschtjen Maun un Faulschen veaufschut Gott.
8Ekj oba, ekj woa derch de groote (Harlichkjeit) diene Jnod nengonen en dien Hus, ekj woa aunbäden en diene Forcht jäajen dienen heiljen Tempel {1Kjeen.6,3}.
9Leid mie, Har, en diene Jerajchtichkjeit om miene Fiend äa wellen; moak jlikj ver mie dienen Wajch.
10Dan en äarem Mul es nuscht Toovelotjet; äa Ennalichet es Vedoawnis, een opnet Grauf äa Rach; met äare Tung heichlen see.
11Lot an busse, oo Gott; lot an faulen derch äare Aunschläaj! Steet an wajch wäajen de Menj äare Äwaträdungen! Dan see sent wadaspanstich jäajen die jewast.
12Soo woaren sikj aula freien, dee opp die vetruen; eewich woaren see jublen, un du woascht an bedakjen; un en die woaren sikj freien, dee dienen Nomen leewen.
13Dan du woascht däm Jerajchten säajnen; Har, met Gonst woascht du am omjäwen aus met eenem Schild.
Currently Selected:
Psalm 5: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
