Psalm 59
59
1Däm Väasenja, «Vedoaw nich!» von David, een Jedicht, aus Saul schekjt, un sien Hus bewoakt, om am omtobrinjen.
2Moak mie frie von miene Fiend, mien Gott! Sat mie en Sechaheit ver dän, dee sikj jäajen mie opphäwen!
3Moak mie frie von dän, dee Fräfel doonen, un rad mie fa de Blootmensche!
4Dan kjikj, see luaren opp miene Seel; Stoakje saumlen sikj jäajen mie onen miene Äwaträdunk un onen miene Sinden, Har!
5Onen eene Schult von miena Sied ranen un moaken see sikj reed; woak opp, mie entjäajen, un kjikj!
6Jo, du, Har, Gott de Häaschoa, Gott Israels, woak opp, om aule Heiden heimtosäkjen! Sie kjeenem jnädich von de truloose Fräfla! (Sela)
7Oppenowent komen see trigj, jule aus de Hunj un gonen ome Staut.
8Kjikj, ut äarem Mul sprudle see Beeset väa, Schwieeta sent opp äare Leppen - dan: «Wäa hieet?»
9Du oba, Har woascht äwa an lachen, woascht aule Heiden vespotten.
10Miene Krauft, opp die well ekj achten; dan Gott es miene huage Burjch.
11Mien Gott woat mie met siene Leew (Jnod) entjäajen komen; Gott woat mie miene Lost seenen loten aun miene Fiend.
12Moak an nich doot, doamet mien Volkj daut nich vejat; lot an omhäaerren derch diene Macht, un schmiet an dol, Har, ons Schilt!
13De Sind en äarem Mul es daut Wuat äara Leppen; soo lot an jefangen woaren en äarem Stolt un wäajen däm Flieekje un wäajen de Läajes, de see utspräakje!
14Moak een Enj em Oaja, moak een Enj, daut see nich mea sent, un erkjanen, daut Gott en Jakob harscht bat aun de Enj de Ieed! (Sela)
15Un aum Owent komen see trigj, jule aus de Hunj, un omkjreisen de Staut.
16See ranen omhäa no Speise; see äwanachten (gnorre), wan see uk nich saut sent.
17Oba ekj well sinjen von diene Macht, un Zemorjes bejublen diene Jnod; dan du best mie eene huage Burjch jewast un eene Tooflucht aum Dach miene Bedrenkjnis.
18Die, miene Krauft, well ekj Psalmen sinjen; dan Gott es miene huage Burjch, dee Gott - miene Jnod.
Currently Selected:
Psalm 59: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
