Psalm 60
60
1Däm Väasenja. No Schuschan - Edut. Een Jedicht von David, toom Lieren, 2aus hee met de Siera von Mesopotamien un met de Siera von Zoba, un Joab trigjkaum un de Edomieta em Soltdol schluach, 12 000 Maun.
3Gott, du hast ons vestat, hast ons vestreit, best oajalich jewast; fia ons wada trigj!
4Du hast daut Launt jescheddat, hast daut veräten; heel siene Räten, dan daut wankt!
5Du hast dien Volkj Hoadet seenen loten, du hast ons met Tomelwien jedrenkjt, 6dän, dee die ferchten, hast du een Panier jejäft, daut dee sikj opphäwen om de Woarheit wellen. (Sela)
7Doamet diene Jeleewde frie jemoakt woaren, rad derch diene Rajchte un erhia ons! {Ps.108,7-14}
8Gott haft jerät en sienem Heilichtum: Ekj well froo sennen, well Siechem vedeelen un de Läacht Sukkot utmäten.
9Gilead es mient, un Manasse es mient, un Efraim es Schutz fa mien Haupt, Juda mien Harschastock (Zepta).
10Moab es miene Wauschkomm, opp Edom well ekj miene Schoo schmieten; Filista, juche (jublen) mie too.
11Wäa woat mie enne fauste Staut fieren, wäa woat mie bat no Edom leiden?
12Nich du, Gott, dee du ons veschmäten hast, un nich uttrockst, oo Gott, met onse Häasch?
13Jeff ons Help vom Bedrenja! Menschenradinj es droch (iedel).
14Met Gott woa wie majchtje Doten doonen; un hee woat onse Bedrenja veklunjen.
Currently Selected:
Psalm 60: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
