Psalm 58
58
1Däm Väasenja. «Vedoaw nich» Von David. Een Jedicht.
2Räd jie werkjlich Jerajchtichkjeit derch Vestomme? Recht jie opprechtich, jie Menschenkjinja?
3Jo, em Hoaten eew jie Ojjerajchtichkjeit; de Jewault june Henj wäaj jie auf em Launt.
4Aufjegonen sent de Gottloose vom Muttaschoot aun, daut erren vom Muttalief aun de Läajna.
5Jeft ha see aus Schlangen Jeft, aus eene doowe Ottaschlang, dee äa Ua veschlit, 6dee nich hieet opp de Stemm de Beschwäara, de Zaubra, dee de Zaubaspricha vesteit.
7Veschmata, oo Gott, äare Tänen en äarem Mul, bräakj ut daut Jebiss de junge Leiws, Har!
8Lot dee vegonen aus Wota, dee veranen! Hee lajcht siene Feilasch aun, soo sent see aus aufjestompt.
9Lot an sennen aus eene Schnidj, dee veschmelt un vejeit, aus de Väljeburt bie eene Fru, dee de Sonn niemols jeseenen haft.
10Iea june Tap de heeten Stachel moakje, woat hee an, fresch ooda brennent, wajchblosen.
11De Jerajchta woat sikj freien, wan hee de Rach sitt; hee woat siene Feet em Bloot de Gottloose boden.
12Un de Mensch woat sajen: Jewess, daut jeft Loon fa däm Jerajchten; jewess, daut jeft eenen Gott, dee oppe Ieed rechten deit.
Currently Selected:
Psalm 58: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
