Psalm 57
57
1Däm Väasenja. «Vedoaw nich!» Von David, een Jedicht, aus hee ver Saul enne Heel rand.
2Sie mie jnädich, oo Gott, sie mie jnädich! Dan miene Seel nemt Tooflucht bie die, un ekj well Tooflucht nämen em Schauten von diene Flichten, bat daut Vedoawen vebie jetrocken es.
3Too Gott, däm Hechsten, well ekj roopen, nodäm Gott, dee daut fa mie vollbrinjt.
4Vom Himmel woat hee schekjen un mie raden; hee moakt dee toom Spott, dee no mie schnaupe. (Sela) Gott woat siene Jnod un siene Woarheit schekjen.
5Enne Medd unja Leiws es miene Seel, unja Flaumenspieende ligj ekj, unja Menschenkjinja, dän äare Tänen Spiessen un Feilasch sent, un äare Tungen een schoapet Schwieet es.
6Erhäw die äwa de Himmel, oo Gott! Äwa de gaunze Ieed es diene Harlichkjeit!
7Een Nat ha see miene Schräd reed jemoakt, miene Seel bekjt sikj dol; eene Kul ha see fa mie jegroft, see sent en äare Medd nenn jefollen. (Sela)
8Faust {Ps.108,2-6} es mien Hoat, oo Gott, faust es mien Hoat! Ekj well sinjen un Psalmen sinjen.
9Woak opp, miene Seel (Iea) {Ps.7,6}! Woakt opp, Hoap un Zitta! Ekj well daut Morjenroot oppwakjen.
10Ekj well die lowen, Har, unja de Velkja, well die besinjen unja de Nazionen.
11Dan groot bat toom Himmel es diene Jnod, un bat too de Wolkjen diene Woarheit.
12Erhäw die äwa de Himmel, oo Gott! Äwa de gaunze Ieed es diene Harlichkjeit!
Currently Selected:
Psalm 57: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
