Psalm 56
56
1Däm Väasenja. No: «De Duw von de wiede Terebinten». Von David, een Jedicht, aus de Filista am en Gat jreepen.
2Sie mie jnädich, oo Gott! Dan de Mensch schnaupt no mie. Hee bedrekjt mie, endäm hee mie däm gaunzen Dach bekjamft.
3Daut schnaupe miene Fiend däm gaunzen Dach; dan väle bekjamfe mie em Stolt.
4Aun däm Dach, doa ekj mie enjst, vetru ekj opp die.
5En Gott woa ekj sien Wuat riemen; opp Gott vetru ekj, ekj woa mie nich ferchten; waut sull daut Fleesch mie doonen?
6Miene Wieed vedreien see däm gaunzen Dach, aule äare Jedanken sent jäajen mie toom Beesen.
7See vesaumlen sikj toop, vestäakjen sikj, see beoobachten miene Footstaupen, wiels see opp miene Seel luaren.
8Sull bie äarem Fräfel fa an Radinj sennen? Em Oaja schmiet de Velkja dol, oo Gott!
9Du talst miene Kloagen. Laj miene Tronen en dien Schlauch; sent dee nich en dienem Buak?
10Dan woaren miene Fiend trigj gonen, aun däm Dach, doa ekj roop; daut weet ekj, daut Gott fa mie es.
11En Gott woa ekj riemen daut Wuat, em Harn woa ekj riemen daut Wuat.
12Ekj vetru opp Gott; ekj woa mie nich ferchten; waut sull de Mensch mie doonen?
13Opp mie, oo Gott, sent diene Jelownise, ekj woa die Dankopfa trigj jäwen.
14Dan du hast miene Seel vom Doot jerat, jo, miene Feet vom Faulen, om to waundlen ver däm Aunjesecht Gottes em Licht de Läwendje.
Currently Selected:
Psalm 56: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
