Psalm 55
55
1Däm Väasenja, met Seidenspell. Een Maskil (Belierunk) von David.
2Nemm too Uaren, oo Gott, mien Jebäd, un vestäakj die nich fa mienem Bedden.
3Horch opp mie un auntwuad mie! Ekj err omhäa en miene Kloag un mott stänen, 4fa de Fiendesstemm, fa de Bedrekjung de Gottloose; dan dee schmieten Onheil opp mie, un em Oaja fiende see mie aun.
5Mien Hoat enjst sikj en mienem Ennalichen, un Doodesschrakj ha mie befoolen.
6Forcht un Zetren komen aun mie, un Schauda bedakjt mie.
7Un ekj säd: Oo daut ekj Flichten haud aus eene Duw! Ekj wull hanfläaje un ruen.
8Kjikj, ekj well wiet wajch flieejen, ekj well enne Wieste äwanachten. (Sela)
9Ekj wull schwind wajch ranen fa däm stoakjen Wint, fa däm Storm.
10Venicht, Har, deel äare Tung! Dan Jewault un Striet ha ekj enne Staut jeseenen.
11Dach un Nacht moaken see de Runde om äa, opp äare Mia; un Orrajcht un Onheil sent en äare Medd.
12Fräfel es en äare Medd, un Bedrekjung un Läajes gonen nich von äarem Moakjt.
13Dan nich een Fient es daut, dee mie vespott, sest wudd ekj daut vedroagen; nich mien Haussa es daut, dee jäajen mie groot jedonen haft, sest wudd ekj mie fa am vestäakjen; 14sonda du, een Mensch miensjlikjen, mien Frint un mien Vetruda; 15dee wie vetruden Omgank metenaunda fläajen, em Hus Gottes jinjen met de Menj.
16De Doot woat an äwarauschen, muchten see läwendich rauffoaren en däm Scheol, dan Boosheit es en äare Wonunk, en äarem Ennalichen.
17 Oba ekj, ekj roop too Gott, un de Har woat mie raden.
18Oppenowent un zemorjes un oppmeddach mott ekj kloagen un stänen, un hee hieet miene Stemm.
19Hee haft miene Seel en Fräd erleest ut däm Kaumf jäajen mie; dan met väle sent see jäajen mie jewast.
20Gott (El) woat hieren, un an deemutje, - hee troont von oole Tieden häa (Sela), wiels daut kjeene Endaniss bie an jeft un see Gott nich ferchten.
21Hee haft siene Henj utjestrakjt jäajen dee, dee met am en Fräd wieren; sienen Bunt haft hee jebroaken.
22Glaut sent de malkjseete Wieed en sienem Mul, un Kjrich es sien Hoat; schmiedich aus Eelj sent siene Wieed, un see sent jetrockne Schwieeta.
23Laj oppem Harn, waut die oppjelajcht es, un hee woat die erhoolen; hee woat niemols tooloten, daut de Jerajchta wankt!
24Un du, Gott, woascht an raufsteeten enne Vedoawniskul; de Blootjierje un Faulsche woaren daut nich bat de Halft äare Doag brinjen. Oba ekj woa opp die vetruen.
Currently Selected:
Psalm 55: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
