Psalm 51
51
1Däm Väasenja. Een Psalm von David, 2aus de Profeet Natan no am kjeem, nodäm hee no Batseba enjegonen wia.
3Sie mie jnädich, oo Gott, no diene Jnod: No diene groote Erboarmunk tilj miene Äwaträdungen!
4Wausch mie gaunz von miene Ojjerajchtichkjeit, un reinj mie von miene Sinden!
5Dan ekj kjan miene Äwaträdungen, un miene Sind es stendich ver mie.
6Jäajen die, jäajen die auleen ha ekj jesindicht, un ekj ha jedonen, waut bees es en diene Uagen; doamet du jerajchtfoadicht woascht, wan du rädst, rein jefungen, wan du rechst.
7Kjikj, en Ojjerajchtichkjeit sie ekj jebuaren, un en Sinden haft mie miene Mutta emfangen.
8Kjikj, du hast aun dee enere Woarheit Lost, un em Veborjnen woascht du mie Weisheit kjanen lieren.
9Entsidij mie met Iessopp, un ekj woa rein sennen; wausch mie, un ekj woa witta sennen aus Schnee.
10Lot mie Jubel un Freid hieren, soo woaren dee Jläda sikj freien, dee du veschloagen hast.
11Vestopp dien Aunjesecht fa miene Sinden, un tilj miene aule Onjerajchtichkjeiten!
12Schauf en mie, Gott, een reinet Hoat, un moak en mienem Ennalichen eenen fausten Jeist!
13Vesteet mie nich von dienem Aunjesecht, un däm Jeist diene Heilichkjeit nemm nich von mie!
14Jeff mie wada de Freid aun dienem Heil, un met eenem welljem Jeist stett mie!
15Ekj well de Äwaträda diene Wäaj lieren, un de Sinda woaren no die trigjkomen.
16Rad mie vonne Blootschult, Gott, du Gott von mienem Heil, soo woat miene Tung jublen un veharlichen diene Jerajchtichkjeit.
17Har, moak miene Leppen op, un mien Mul woat dien Loff vekjindjen.
18Dan du hast kjeene Lost aun Schlachtopfa, sest wudd ekj dee jäwen; aun Brauntopfa hast du kjeen Wooljefaulen.
19De Opfa Gottes sent een jebroakna Jeist; een jebroaknet un veschloagnet Hoat woascht du, Gott, nich veachten.
20Doo Zion Goodet en diene Gonst; bu de Mia Jerusalems.
21Dan woascht du Lost ha aun Opfa de Jerajchtichkjeit, aun Brauntopfa un Gaunzopfa; dan woat maun Bolles opfren opp dienem Aultoa.
Currently Selected:
Psalm 51: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
