Psalm 52
52
1Däm Väasenja. Een Maskil (Belierunk) von David, 2aus Doeg, de Edomieta, kaum un Saul berecht un am säd: David es en daut Hus Ahimelechs jekomen.
3Waut riemst du die met de Boosheit, du Jewaultja? De Jnod Gottes (El) blift däm gaunzen Dach.
4Vedoawen plont diene Tung, aus een jeschläpnet Schäamassa eewst du Läajes.
5Du hast daut Beese mea jeleeft, aus daut Goode, de Läajes mea aus Jerajchtichkjeit to räden. (Sela)
6Du hast aule Vedoawenswieed jeleeft, du Läajestung.
7Gott (El) woat die uk fa emma venichten; hee woat die packen un die rutrieten ut däm Zelt un die entwartle (utrit) ut däm Launt de Läwendje. (Sela)
8Un daut woaren de Jerajchte seenen un sikj ferchten, un see woaren äwa an lachen:
9«See däm Maun, de Gott nich to siene Tooflucht muak, sonda opp sien grootet Rikjtum vetrud, derch siene Jia stoakj wia!»
10Oba ekj sie aus een jreena Eeljboom em Hus Gottes; ekj vetru oppe Leew Gottes emma un eewich.
11Ekj woa die danken en Eewichkjeit, wiels du daut jedonen hast; un opp dien Nomen woa ekj hopen - wiels hee goot es - ver diene Fromme.
Currently Selected:
Psalm 52: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
