Psalm 4
4
1Däm Väasenja met Seidenspell. Een Psalm von David.
2Wan ekj roop, auntwuad mie, Gott miene Jerajchtichkjeit! En Bedrenkjnis hast du mie Rum jemoakt; sie mie jnädich un erhia mien Jebäd.
3Jie Menschensäns, woo lang noch saul miene Iea (Harlichkjeit) too Schaund sennen? Woo lang woa jie Iedlet leewen, Läajes sieekjen? (Sela)
4Erkjant doch, daut de Har däm Frommen fa sikj aufjesondat haft! De Har woat hieren, wan ekj to am roop.
5Siet oppjeräacht (Zettat), un sindicht nich! Denkjt no en junem Hoaten opp junem Loaga, un siet stell! (Sela)
6Opfat (brinjt) Opfa de Jerajchtichkjeit, un vetrut opp Gott!
7Väle sajen: Wäa woat ons goodet seenen loten? Erhäw, Har äwa ons daut Licht von dienem Aunjesecht!
8Du hast Freid en mien Hoat jejäft, mea aus too Tiet, aus daut väl Jeträajd un Wien jeef.
9En Fräd woa ekj mie dollajen un uk schlopen; dan du, Har, auleen latst mie en Sechaheit wonen.
Currently Selected:
Psalm 4: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
