Psalm 49
49
1Däm Väasenja. Von de Säns Korah, een Psalm.
2Dit hieet, jie, aule Velkja; nämt daut to Uaren, aule Bewona de Welt (Ieed); 3soo aus Menschensäns aus Mannasäns, rikje un oame aula toop!
4Mien Mul saul Weisheit räden, un daut Denkjen en mienem Hoat saul Ensecht sennen.
5Ekj well mien Ua to eenem Spruch hanhoolen, mien Rotsel bie de Hoap opmoaken.
6Wuarom sull ekj mie en ieble Doag ferchten, wan dee äare Ojjerajchtichkjeit, dee mie oppe Hacken sent, mie omrinjt, 7dee opp äa Vemäajen vetruen un met äarem groote Rikjtum sikj riemen?
8En kjeenem Faul kaun wäa sienen Brooda erleesen, hee kaun nich Gott sien Leesjelt jäwen, 9(dan dia es de Erleesunk äare Seel, un hee mott doavon aufstonen opp eewich), 10daut hee fa emma läft, daut Grauf nich sitt.
11Dan hee sitt, daut de Weise stoawen, daut de Onweise un de Noa met eenaunda omkomen un fa aundre äa Vemäajen loten.
12Äa Jedanken es, daut äare Hiesa en Eewichkjeit stonen, äare Woninj von Jeschlajcht too Jeschlajcht; see nanen Lenda no äarem Nomen.
13Un de Mensch, dee en Aunseenen es, blift nich; hee es aus daut Vee, daut vetilcht woat.
14Dise, äa Wajch es äare Noaheit; un dee no an komen, ha Wooljefaulen aun äare Wieed. (Sela)
15Maun lajcht an em Scheol aus Schop, de Doot weidet an; un tiedich Zemorjes harschen de Opprechtje äwa an; un äare Jestault woat de Scheol vetäaren, onen daut see eene Wonunk haft.
16Oba Gott woat miene Seel erleesen von de Jewault em Scheol; dan hee woat mie oppnämen {1Mo.5,24}. (Sela)
17Forcht die nich, wan een Maun sikj rikj moakt, wan sikj vejratat de Harlichkjeit en sienem Hus.
18Dan wan hee stoaft, nemt hee daut aules nich met; siene Pracht kjemt am nich hinjaraun.
19Wan hee uk siene Seel en sienem Läwen säajend, - un maun woat die lowen, wan du die selfst goodet deist - 20see woat komen nom Jeschlajcht siene Vodasch; see woaren niemols mea daut Licht seenen.
21Dee Mensch, dee en Aunseenen es un kjeene Ensecht haft, es aus daut Vee, daut vetäat woat.
Currently Selected:
Psalm 49: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
