Psalm 48
48
1Een Psalm - Leet. Von de Säns Korah.
2Groot es de Har un sea too lowen enne Staut von onsem Gott opp sienem heiljen Boajch.
3Scheen erhäft sikj, eene Freid de gaunze Ieed, de Boajch Zion, aun de Nuadsied, de Staut vom groote Kjennich.
4Gott es bekaunt en äare Paulausten aus eene huage Burjch.
5Dan kjikj, de Kjennichs hauden sikj vesaumelt, wieren aula toop doatoo jekomen.
6See sagen, doa staunden see; see vefieeden sikj, enjstlich randen see wajch.
7Een Zetren äwavoll an doa, Angst aus eene Jebäarende.
8Derch däm Oostwint veschmatascht du de Tarsus Schäp.
9Aus wie jehieet hauden, soo ha wie daut jeseenen enne Staut Gottes de Häaschoa, enne Staut von onsem Gott: Gott woat an faustmoaken bat en Eewichkjeit. (Sela)
10Wie jedenkjen, oo Gott, aun diene Jnod, em Bennaschten von dienem Tempel.
11Aus dien Nomen, Gott, soo es dien Riem bat aum Enj de Ieed; met Jerajchtichkjeit es jefelt diene Rajchte.
12Daut freit sikj de Boajch Zion, daut sellen jublen de Dajchta von Juda om diene Jerechten wellen.
13Omgot Zion un omkjreist am, talt siene Torms,
14kjikjt jeneiw aun siene Mia, got derch siene Paulausten, doamet jie daut däm näakjsten Jeschlajcht vetalen kjennen!
15Dan dis Gott es ons Gott emma un eewich! Hee woat ons fieren bat aun däm Doot.
Currently Selected:
Psalm 48: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
