Psalm 47
47
1Däm Väasenja. Von de Säns Korah, een Psalm.
2Jie, aule Velkja, klautscht enne Henj! Jucht met eene Jubelstemm too Gott!
3Dan de Har, de Hechsta, es furchtboa, een groota Kjennich äwa de gaunze Ieed.
4Hee muak ons de Velkja unjadon, un de Nazionen unja onse Feet.
5Hee erwält fa ons, ons Oawgoot, däm Stolt Jakob, däm hee jeleeft haft. (Sela)
6Gott es nohecht jestäajen unja Jubelklang, de Har unja Poosauneklang.
7Sinjt fa Gott, sinjt Psalmen; sinjt Psalmen onsem Kjennich, sinjt Psalmen!
8Dan Gott es Kjennich äwa de gaunze Ieed; sinjt Psalmen met Ensecht {Ps.32,1}.
9Gott rejieet äwa de Velkja; Gott haft sikj opp däm Troon siena Harlichkjeit jesat.
10De Adelje de Velkja ha sikj vesaumelt un (aus) daut Volkj Gottes von Abraham; dan de Schilda de Ieed sent Gottes; hee es sea erhowen.
Currently Selected:
Psalm 47: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
