Psalm 46
46
1Däm Väasenja. Von de Säns Korah; opp Alamot, {1Chr.15,20.21} een Leet.
2Gott es onse Tooflucht un Krauft, eene Help, enne Noot {2Chr.15,4} rikjlich too finjen.
3Doarom woa wie ons nich ferchten, wan uk de Ieed sikj veendat un wan de Boajch em Hoat de Mäare wanken, 4wan siene Wota tooben un schume, von sienem Äwamoot schedren de Boaj. (Sela)
5Een Stroom - siene Rieen freien de Staut Gottes, daut Heilichtum de Woninj vom Hechsten.
6Gott es en äare Medd, see woat nich wanken; Gott woat äa halpen biem Morjenaunfank.
7Daut tooben de Velkja, de Kjennichrikjs wanken; hee lat siene Stemm schaule: De Ieed schmelt.
8Dee Gott de Häaschoa es met ons, eene huage Burjch es ons Jakob sien Gott. (Sela)
9Komt, kjikjt no de Dot Gottes, dee Schudahauftjet aunjerecht haft oppe Ieed!
10Dee de Kjrichs beschwicht bat aun daut Enj de Ieed, dee de Boages vebrakjt un däm Spies veschleit, de Woages met Fia vebrent.
11Lot auf un erkjant, daut ekj Gott sie! Ekj woa erhowen woaren unja de Velkja, ekj woa erhowen woaren oppe Ieed.
12Dee Gott de Häaschoa es met ons, eene huage Burjch es ons Jakob sien Gott. (Sela)
Currently Selected:
Psalm 46: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
