Psalm 45
45
1Däm Väasenja, no Schoschanim (Lelje). Von de Säns Korah; een Weisheitsleet, een Leet fa de Jeleewde.
2Daut bewäacht mien Hoat vom gooden Wuat. Ekj saj: Miene Jedichta sent fa däm Kjennich! Miene Tung es de Jreffel von eenem foadjem Schriewa.
3Du best prachtvolla aus Menschensäns, äwa diene Leppen es Jnod utjegoten; doarom haft Gott die eewichlich jesäajent.
4Schnall dien Schwieet om de Hoften, du Held, diene Pracht un diene Majestät!
5Un en diene Majestät foa jlekjlich han om daut Wuat de Woarheit wellen un de Saunftmoot un de Jerajchtichkjeit; un Furchtboaret woat die lieren diene Rajchte.
6Diene Feilasch sent schoap - Velkja faulen unja die, - dee drinjen de Kjennichsfiend em Hoat.
7Dien Troon, oo Gott, es emma un eewich; een Zepta de Opprechtichkjeit es daut Zepta von dienem Rikj.
8Jerajchtichkjeit hast du jeleeft un Gottloosichkjeit jehaust: Doarom haft Gott, dien Gott, die jesaulft met Freideneelj, mea aus diene Frind.
9Miren un Aloe, Kassia sent aule diene Kjleeda; ut Paulausten von Aulfenbeen freit die daut Seidenspell.
10Kjennichsdajchta sent unja diene Frues (Harliche); de Kjennijin steit aun diene Rajchte en Golt von Ofir.
11Horch, Dochta, un kjikj, un neij dien Ua; un vejat dien Volkj un dien Vodahus!
12Un de Kjennich woat diene Scheenheit jefaulen (jankren), dan hee es dien Har: Soo sie am unjadon (huldij am)!
13Un de Dajchta Tierus, dee Rikje utem Volkj, woaren met Jeschenkja diene Jenst (Aunjesecht) sieekjen.
14Gaunz harlich es de Kjennichs Dochta bennen, von Golt jemoakt äa Kjleet; 15em bunt jemoaktem Kjleet woat see nom Kjennich jefieet woaren; Junkfrues hinja äa häa, äare Bejleita, woaren no die jebrocht woaren.
16See woaren met Freid un Jubel jefieet, see gonen nenn en däm Kjennichspaulaust.
17Aun diene Vodasch Städ woaren diene Säns sennen; too Ferschten woascht du an ensaten em gaunzen Launt.
18Ekj well dienen Nomen jedenkjen loten derch aule Jeschlajchta; doarom woaren de Velkja die lowen emma un eewich.
Currently Selected:
Psalm 45: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
