Psalm 42

1Däm Väasenja. Een Maskil (Belierunk) von de Säns Korah.

2Aus een Hersch velangt nom Wotastroom (freschem Wota), soo velangt miene Seel no die, oo Gott.

3Miene Seel darscht no Gott, nodäm läwendjen Gott (El): Wanea woa ekj komen un ver Gottes Aunjesecht erschienen?

4Miene Tronen sent mie toom Äten jeworden Dach un Nacht, doa maun däm gaunzen Dach to mie sajcht: Wua es dien Gott?

5Doaraun well ekj denkjen un en mie miene Seel utschedde, woo ekj omhäa jinkj em Jedrenj, met an wull nom Hus Gottes, met ne Jubelstemm un Danksaje, eene fiarende Menj.

6Waut best du bedrekjt (jebekjt), miene Seel, un best orruich en mie? Hop opp Gott, dan ekj woa am noch danken fa daut Heil en sienem Aunjesecht.

7Mien Gott, bedrekjt (jebekjt) es miene Seel en mie; doarom denkj ekj aun die ut däm Launt Jordan un Hermon, vom Boajch Mizar.

8 Een Wotastroom roopt däm Wotastroom biem ruzhen diene Wotafaule; aul diene Wotawalen un diene Walle sent äwa mie jegonen.

9Äwa Dach woat de Har siene Jnod aunbeeden, un de Nacht woat sien Leet bie mie sennen, een Jebäd to däm Gott von mienem Läwen.

10Ekj well too Gott (El) sajen, mien Steen (Fels): Wuarom hast du mie vejäten? Wuarom go ekj truarich omhäa wäajen de Bedrenjung de Fiend?

11Aus eene Vekjwatschung en miene Jläda vespotten mie Bedrenja, endäm see däm gaunzen Dach to mie sajen: Wua es dien Gott?

12Waut best du bedrekjt, miene Seel, un waut best du orruich en mie? Hop opp Gott, dan ekj woa am noch lowen, dee daut Heil fa mienem Aunjesecht un mien Gott es.

Currently Selected:

Psalm 42: PBJHF

Highlight

Copy

Compare