Psalm 41
41
1Däm Väasenja. Een Psalm von David.
2Wool däm, dee opp de Oame acht jeft! Aum Ojjlekjsdach woat de Har am raden.
3De Har woat am bewoaren un am aum Läwen hoolen; hee woat jlekjlich sennen oppe Ieed (em Launt), un du woascht am nich de Jia siene Fiend hanjäwen.
4De Har woat am stette opp däm Krankebad, sien gaunzet Loaga waundelst du om en siene Krankheit.
5Ekj säd: Har, sie mie jnädich! Heel miene Seel, dan ekj ha jäajen die jesindicht.
6Miene Fiend wenschen (räden jäajen) mie Iebel: Wanea woat hee stoawen un sien Nomen vegonen?
7Un wan eena kjemt, om mie to seenen, soo räd hee Läajes; sien Hoat saumelt sikj Onheil - hee jeit rut, un räd doavon.
8Meteenaunda fuschle jäajen mie aule miene Haussa; see denkjen Beeset jäajen mie:
9Een Bilialsstekj kjleewt am aun; un wiels hee nu doa licht, woat hee nich wada oppstonen.
10Uk de Maun - mienem Frint, opp däm ekj vetrud, dee mien Broot aut, haft de Feet jäajen mie oppjehowen.
11Oba du, Har, sie mie jnädich un recht mie opp, daut ekj an daut vejelt!
12Doaraun erkjan ekj, daut du aun mie jefaulen hast, daut mien Fient sikj nich äwa mie freit.
13Oba ekj, en miene Oschult hast du mie faust jehoolen un mie ver die opp eewich jestalt. 14Jesäajent es de Har, de Gott Israels, von Eewichkjeit bat en Eewichkjeit! Amen, jo, Amen.
Currently Selected:
Psalm 41: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
