Popular Bible Verses from Psalm 42

Share

Aus eene Vekjwatschung en miene Jläda vespotten mie Bedrenja, endäm see däm gaunzen Dach to mie sajen: Wua es dien Gott?

Däm Väasenja. Een Maskil (Belierunk) von de Säns Korah. Aus een Hersch velangt nom Wotastroom (freschem Wota), soo velangt miene Seel no die, oo Gott.

Doaraun well ekj denkjen un en mie miene Seel utschedde, woo ekj omhäa jinkj em Jedrenj, met an wull nom Hus Gottes, met ne Jubelstemm un Danksaje, eene fiarende Menj.

Miene Seel darscht no Gott, nodäm läwendjen Gott (El): Wanea woa ekj komen un ver Gottes Aunjesecht erschienen?

Waut best du bedrekjt (jebekjt), miene Seel, un best orruich en mie? Hop opp Gott, dan ekj woa am noch danken fa daut Heil en sienem Aunjesecht.