Psalm 3
3
1Een Psalm von David, aus hee ver sienem Sän Absalom (wajch) rand.
2Har! wooväl sent miene Bedrenja (Fiend)! Väle erhäwen (stalen) sikj jäajen mie.
3Väle sajen von miene Seel: Daut es kjeene Radunk (Help) fa am bie Gott! (Sela)
4Oba du, Har, best een Schilt om mie, miene Harlichkjeit (Iea), un dee mien Haupt opphäft.
5Met miene Stemm roop ekj nom Harn, un hee auntwuat mie von sienem heiljen Boajch. (Sela)
6Ekj läd mie dol un schleep; ekj wuak opp, dan de Har stett mie.
7Ekj enjst mie nich ver 10 000 vom (ut däm) Volkj, dee sikj runtom mie un jäajen mie jeloagat (jesat) ha.
8Sto opp, oo Har! Rad mie, mien Gott! Dan du hast aule miene Fiend oppe Baken jeschloagen; de Tänen de Gottloosen hast du veschmatat.
9Vom Harn es de Radinj; dien Säajen es (kjemt) opp dienem Volkj. (Sela)
Currently Selected:
Psalm 3: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
