Psalm 38
38
1Een Psalm von David toom Jedajchnis.
2Har, strof mie nich en dienem Oaja un schlo mie nich en diene (Oaja) Wutt.
3Dan diene Feilasch sent en mie ennjedrunge, un diene Haunt haft sikj opp mie raufjeloten.
4Nuscht Heelet (Jesundet) es aun mienem Fleesch wäajen dien Oaja, kjeen Fräd en miene Jläda wäajen miene Sinden.
5Dan miene Onjerajchtichkjeiten sent äwa mien Haupt jegonen, aus eene schwoare Laust sent see, too schwoa, fa mie.
6Daut stinkjen, daut tjietre miene Wunden wäajen miene Noaheit.
7Ekj sie kromm, äwa de Mot jebekjt; däm gaunzen Dach go ekj truarich omhäa.
8Dan voll Braunt sent miene Lenden, un nuscht Heelet es aun mienem Fleesch.
9Ekj sie meed un äwa de Mot veschloagen, ekj hiel fa Stänen en mienem Hoaten.
10Har, ver die es aul mien Velangen, un mien Vesefze es nich ver die veborjen.
11Mien Hoat kloppt, veloten haft mie miene Krauft; un daut Licht miene Uagen, uk daut es nich bie mie.
12Miene Leewe un miene Frind stonen wiet auf von miene Ploag, un miene Näakjste stonen wiet auf.
13Un dee no mienem Läwen trachten, lajen mie Schlenjen; un dee mien Onjlekj sieekjen, räden von Vedoawen un räden Läajes däm gaunzen Dach.
14Oba ekj, sie aus een Doofa, hia nich, un sie aus een Stomma, dee sien Mul nich opmoakt.
15Un ekj sie aus een Maun, dee nich hieet, un en däm sien Mul kjeene Wadaräd sent.
16Dan opp die, Har, lua ekj; du woascht auntwuaden, Har, mien Gott.
17Dan ekj säd: «Daut see sikj nich äwa mie freien!» Biem wanken von mienem Foot doonen see groot jäajen mie.
18Dan ekj sie dicht aum Faulen, un miene Weedoag sent emma ver mie.
19Dan ekj bekjan miene Schult; ekj sie besorcht wäajen miene Sinden.
20Oba miene Fiend läwen, sent stoakj (väl); un väl sent dee, dee onen Grunt mie haussen.
21Un Beeset fa Goodet vejelten, see fiende mie aun, wiels ekj däm Gooden nojoag.
22Velot mie nich, Har; mien Gott, sie nich wiet auf von mie!
23Spood die mie too halpen, Har, miene Radinj!
Currently Selected:
Psalm 38: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
