Psalm 37
37
1Von David.
Oaja die nich äwa de Beese, beneid dee nich, dee Orrajcht doonen. 2Dan aus Grauss woaren dee vegonen, un aus daut jreene Krut vewalkje.
3Vetru oppem Harn un doo goodet; won em Launt un eew Tru to sennen; 4un erjats die aum Harn; soo woat hee die jäwen om waut dien Hoat bedd.
5Befäl däm Harn dienen Wajch un vetru opp am! Un hee woat haundlen; 6un hee woat diene Jerajchtichkjeit väa komen loten aus daut Licht un dien Rajcht aus däm Meddach.
7Vetru stell däm Harn un hool die aun am! Oaja die nich äwa däm, däm sien Wajch jelinjt, äwa däm Maun, dee beese Aunschläaj utfieet!
8Lot auf vom Oaja un lot däm Groll! Oaja die nich! Daut fieet blooss toom Iebel.
9Dan de Iebel doonende (Beese) woaren utjerot; oba dee oppem Harn hopen, dise woaren daut Launt besetten (oawen).
10Un noch een Beskje, un de Gottloose es nich mea; un du kjikjst die no siene Städ om, soo es hee nich doa. 11Oba de Saunftmootje woaren daut Launt besetten un woaren sikj aun groote Fräd erjatsen.
12De Gottloose plont jäajen däm Jerajchten, un hee kjnirscht met siene Tänen jäajen am. 13De Har lacht äwa am, dan hee sitt, daut sien Dach kjemt.
14De Gottloose ha daut Schwieet jetrocken un äaren Boagen jespaunt, om däm Älenden un däm Oamen toom faul to brinjen, too schlachten, dee en Woarheit waundlen. 15Äa Schwieet woat en äa ieejnet Hoat drinjen, un äare Boages woaren vebroaken woaren.
16Bäta daut Weinje vom Jerajchten, aus de Äwafluss väle Gottloose. 17Dan de Oarms de Gottloose woaren vebroaken woaren, oba de Har stett de Jerajchte.
18De Har kjant de Vollkomne äare Doag, un äa Oawgoot woat eewich sennen; 19dee woaren nich beschämt woaren enne Ojjlekjstiet, un enne Hungaschdoag woaren see saut woaren (sennen).
20Dan de Gottloose woaren omkomen, un de Fiend vom Harn aus de Pracht de jreene Weid; see veschwinjen, see veschwinjen em Ruak.
21De Gottloosa borjt un jeft nich trigj; de Jerajchta oba es jnädich un jeft. 22Dan dee von am Jesäajende woaren daut Launt besetten, oba dee von am Vefluchte woaren utjerot woaren.
23Vom Harn woaren däm Maun siene Schräd faust jemoakt, un aun sienem Wajch haft hee jefaulen; 24wan hee fält, woat hee nich hanjestrakjt woaren, dan de Har stett siene Haunt.
25Ekj wia junk un sie uk oolt jeworden, un ekj ha nie dän Jerajchten veloten jeseenen, noch sienem Somen no Broot bedden; 26däm gaunzen Dach es hee jnädich un liet, un sien Somen woat jesäajent sennen.
27Lot vom Beesen un doo Goodet, un bliew eewich! 28Dan de Har leeft daut Rajcht un woat siene Fromme nich veloten; eewich woaren see bewoat, oba de Somen de Gottloose woat utjerot. 29De Jerajchte woaren daut Launt besetten un woaren fa emma doa wonen.
30Daut Mul de Jerajchte räd Weisheit, un siene Tung räd daut Rajcht; 31daut Jesaz von sienem Gott es en sienem Hoaten, siene Schräd woaren nich wanken.
32De Gottloose luaren opp däm Jerajchten un sieekjt am omtobrinjen; 33de Har woat am nich en siene Haunt loten, un am nich vedaumen, wan hee jerecht woat.
34Vetru oppem Harn un bewoa sienen Wajch; un hee woat die nohecht häwen, daut Launt too besetten. Wan de Gottloose utjerot woaren, woascht du toseenen.
35Ekj ha eenen Gottloosen jeseenen, dee jewaultich wia, un dee sikj utbreed aus een nich veplaunta jreena Boom; 36un maun jinkj vebie, un kjikj, hee wia nich mea; un ekj socht am, un hee wort nich jefungen.
37Acht opp däm Onschuldjen un kjikj opp däm Opprechtjen; dan fa däm frädlichen Maun jeft daut eene Tookunft. 38Oba de Iebel doonende woaren aula toop vetilcht, de Tookunft de Gottloose woat aufjeschnäden.
39Oba de Radunk de Jerajchte es vom Harn, dän äare Krauft es enne Tiet de Noot; 40un de Har woat an halpen un an raden; hee woat an raden von däm Gottloosen un an Radunk veschaufen, dan see vetruen opp am.
Currently Selected:
Psalm 37: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
