Psalm 36
36
1Däm Väasenja. Von däm Kjnajcht vom Harn, von David.
2De Äwaträdunk de Gottloose (Fräfla) räd, em Ennalichen, en mienem Hoaten: Doa es kjenne Fercht Gottes ver siene Uagen.
3Dan daut schmeichelt am en siene ieejne Uagen, siene Ojjerajchtichkjeit too errieekjen, Hauss uttoeewen.
4Fräfel (Onheil) un Läajes sent de Wieed en sienem Mul; hee haft daut oppjejäft, vestendich to sennen, Goodet to doonen.
5Fräfel (Onheil) ersennt hee opp sienem Loaga; hee stalt sikj opp eenem (hee steit opp eenem) Wajch, dee nich goot es; daut Beese velat hee nich.
6Har! Diene Jnod rieekjt bat aun dee Himmel, bat aun de Wolkjen diene Tru.
7Diene Jerajchtichkjeit es aus de Boaj Gottes, diene Jerechten (Uadeel, Rajchte) sent een groota (deepa) Stroom; Menschen un Vee radst du, Har.
8Woo kjestlich es diene Jnod, oo Gott! Un Menschenkjinja nämen Tooflucht em Schauten diene Flichten; 9see woaren rikjlich drinkjen von de Fatichkjeit en dienem Hus, un met däm Stroom diene Wonne woascht du an drenkjen.
10Dan bie die es de Kjwal vom Läwen, en dienem Licht woa wie daut Licht seenen.
11Lot diene Leew (Huld) wiedahan dän, dee die kjanen, un diene Jerajchtichkjeit dän, dee von Hoaten opprechtje!
12De Foot de Stolte errieekjt mie nich, un de Haunt de Gottloose vejajcht mie nich!
13Doa sent jefollen, dee Fräfel doonen; dee worden doljeschmäten, un kunnen nich oppstonen.
Currently Selected:
Psalm 36: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
