Psalm 34
34
1Von David, aus hee sien Vestaunt fa Abimelech vestald {1Sam.21,10-15}, un disa am wajch juach, un hee wajchjinkj.
2Ekj well däm Har aulentiet lowen; bestendich saul sien Loff en mienem Mul sennen.
3En däm Harn saul sikj miene Seel riemen; hieren woaren daut de Deemootje un sikj freien.
4Moakt däm Har met mie groot, un lot ons metenaunda sienen Nomen erhäwen!
5Ekj socht däm Harn, un hee auntwuad mie; un ut aule miene Angst rad hee mie.
6See kjikjen opp am un worden oppjemuntat (strolent), un äare Aunjesechta worden nich beschämt.
7Disa Älendje (Oama) roopt, un de Har hieed, un ut aule siene Noot rad hee am.
8De Enjel vom Harn loagat sikj om dee erom, dee am ferchten, un hee rad an.
9Schmakjt un kjikjt, daut de Har goot es! Wool däm Maun, dee opp am vetrut!
10Fercht dän Harn, jie siene Heilje! Dan kjeenen Mangel ha, dee am ferchten.
11Junge Leiws lieden (woaren schwak) un hungren, oba dee däm Har sieekjen, ha kjeen Mangel aun Goodem.
12Komt, jie Säns (Kjinja), hieet mie too: De Forcht vom Harn well ekj junt lieren.
13Wäa es de Maun, dee Lost toom Läwen haft, dee Doag leeft, om Goodet to seenen?
14Bewoa diene Tung vom Beesen, un diene Leppen, daut see nich Läajes räden.
15Lot vom Beesen un doo Goodet; sieekj Fräd un joag am no!
16De Uagen vom Harn sent jerecht opp de Jerajchte, un siene Uaren opp äa Schrieen.
17Daut Aunjesecht vom Har es jäajen dee, dee Beeset doonen, om äa Jedajchnis von de Ieed uttoroten.
18See (de Jerajchte) schrieejen, un de Har hieed, un ut aule äare Noot (Angst) rad hee an.
19Dichtbie es de Har dän, dee jebroaknen Hoates sent, un dee veschloagnen Jeistes sent, dee rat hee.
20De Jerajchta mott väl Iebel lieden, oba ut aul dee selje rad am de Har.
21Hee bewoat aule äare Jläda, nich eent von an woat vebroaken.
22Däm Gottloosen woat daut Beese ombrinjen; un dee däm Jerajchten haussen, woaren fa schuldich jehoolen woaren.
23De Har erleest de Seel siene Kjnajchts (Deena); un aule, dee opp am vetruen, woaren nich fa schuldich jehoolen woaren.
Currently Selected:
Psalm 34: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
