Psalm 32
32
1Von David. Een Maskil (Belierunk).
Jlekjseelich dee (Wool däm), däm de Äwaträdungen vejäft, däm siene Sinden toojedakjt sent (worden).
2Jlekjseelich dee Mensch, däm de Har de Ojjerajchtichkjeit nich aunräkjent, un en däm sien Jeist kjeene Faulschheit es!
3Aus ekj stell wia, vevollen miene Jläda derch mien Stänen, däm gaunzen Dach.
4Dan Dach un Nacht lach diene Haunt schwoa opp mie; vewaundelt wort mien Sauft enne Sommahett. (Sela)
5Miene Sinden bekjand ekj die un ha miene Ojjerajchtichkjeit nich toojedakjt. Ekj säd: Ekj well däm Harn miene Äwaträdungen bekjanen; un du, du hast mie miene Sindenschult vejäft. (Sela)
6Doarom woat jiedra Fromma to die bäden, too Tiet, woo du too finjen best; jewess, bie groote Wotastreem - am woaren dee nich errieekjen.
7Du best een Vestäakj fa mie; du bewoascht mie fa Bedrenkjnis; du omjäwst mie met Radungsfreid. (Sela)
8Ekj well die unjarechten un die dän Wajch lieren, däm du waundlen saust; mien Uag opp die jerecht, well ekj die roden.
9Siet nich aus een Pieed, aus een Multia, daut kjeen Vestaunt haft; met Toom un Täajel, äa Schmuck (Jescherr), motst du (äa willet Benäme) an bandjen, sest komen dee nich no die.
10Väl Weedoag haft de Gottloosa; oba wäa oppem Harn vetrut, däm woat Jnod omjäwen.
11Freit junt en däm Harn un siet froo, jie Jerajchte, un jubelt, aule, jie von Hoaten Opprechtje.
Currently Selected:
Psalm 32: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
