Psalm 30
30
1Een Psalm. Een Enweiunksleed vom Hus. Von David.
2Ekj well die erhäwen, Har, dan du hast mie nohecht (rut) jetrocken un hast nich miene Fiend, sikj äwa mie freien loten.
3Har, mien Gott! No die ha ekj jeschräajen, un du hast mie jeheelt.
4Har! Du hast miene Seel ut däm Scheol nohecht jefieet, hast mie von (ut) dee beläwt, dee enne Kul rauffoaren.
5Sinjt too Iea Gottes, jie siene Fromme, un dankt (biem denkjen aun siene Heilichkjeit) sienen heiljen Nomen.
6Dan een Uagenblekj es hee en sienem Oaja, een Läwen en sienem Wooljefaulen; aum Owent kjemt daut Hielen aun, un Zemorjes es Jubel doa.
7Un ekj säd en miene Sorjloosichkjeit: Ekj woa nich wanken en Eewichkjeit.
8Har! En dienem Wooljefaulen hast du mienem Boajch faust jestalt; du vestakjst dien Aunjesecht, ekj wia oppjeräacht.
9Too die, Har, roopt ekj, un to mienem Harn bedd ekj om Jnod:
10Waut fa Jewenst es en mienem Bloot, en mienem rauffoaren enne Kul? Woat de Stoff die lowen? Woat hee diene Woarheit vekjindjen?
11Horch, Har, un sie mie jnädich! Har, sie mien Halpa!
12Miene Weekloagen hast du mie en eenem Freidensleet vewaundelt, mien Truakjleet hast du jeleest, un mie met Freid omgortet; 13om daut miene Iea {Ps.7,5; 16,9} die besinjt un nich stell es. Har, mien Gott, en Eewichkjeit woa ekj die lowen.
Currently Selected:
Psalm 30: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
