Psalm 29
29
1Een Psalm von David.
Jeft däm Harn, jie Säns de Stoakje (Gottessäns), jeft däm Harn Iea un Macht.
2Jeft däm Harn, sienem Nomen, de Iea; bäd däm Harn aun, em heiljen Schmuck.
3De Stemm vom Harn es äwa däm Wota; dee Har (El) de Harlichkjeit donnat, de Har äwa de groote Wotasch.
4De Stemm vom Harn es jewaultich, de Stemm vom Harn es harlich.
5De Stemm vom Harn vebrakjt de Zeeda, jo, de Har vebrakjt Zeeda vom Libanon; 6un hee moakt an huppsent aus een Kaulf, däm Libanon un Sirjon {5Mo.3,9} aus eenen jungen willen Oss.
7De Stemm vom Harn spretst Fiaflaumen.
8De Stemm vom Harn scheddat de Wieste, de Har scheddat de Wieste Kadesch.
9De Stemm vom Harn moakt Herschkjäj oppjeräacht, hee moakt kol de Weela; un en sienem Tempel räd aules (waut doabennen es): Iea (Harlichkjeit)!
10De Har troont opp (äwa) de Wotastreem (Äwaschwaminj), un de Har troont aus Kjennich opp Eewich.
11De Har woat sienem Volkj Krauft jäwen, de Har woat sien Volkj met Fräd säajnen.
Currently Selected:
Psalm 29: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
