Psalm 28
28
1Von David.
Too die, Har, roop ekj; mien Fels, drei die nich em stellen von mie auf, doamet nich, wan du jäajen mie stomm woascht, ekj aus dee sie, dee enne Kul rauffoaren!
2Hea de Stemm von mienem Jebäd, wan ekj no die schrieen, wan ekj miene Henj opphäw jäajen dienen heiljen Hinjarum (Aulaheilichste).
3Riet mie nich wajch met de Gottloose met dän, dee Fräfel doonen, dee frädlich räden met äarem Näakjsten, un Beeset es en äarem Hoaten!
4Jeff an no äarem Doonen un no äare beese Haundlungen, no de Woakjen äare Henj jeff an, vejelt an äa Vehoolen.
5Dan see achten nich oppe Doten Gottes, noch opp daut Woakj siene Henj. Hee woat de entwei moaken un nich buen.
6Jepriesen (veharlicht) es de Har! Dan hee haft de Stemm en mienem Bedden jehieet.
7De Har es miene Krauft un mien Schilt; opp am haft mien Hoat vetrut, un mie es jeholpen worden; doahäa es mien Hoat froo, un ekj woa am danken met mienem Leet.
8De Har es äare (däm Volkj siene) Krauft, un hee es de Radungsfastinj von sienem Jesaulwden.
9Rad dien Volkj un säajen dien Oawgoot; un weid an un droag an bat enne Eewichkjeit!
Currently Selected:
Psalm 28: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
