Psalm 27
27
1Von David.
De Har es mien Licht un mien Heil, ver wäm saul ekj mie ferchten? De Har es miene Läwenskrauft, ver wäm saul ekj mie enjsten?
2Aus Iebel doonende mie noda kjeemen, om mien Fleesch too fräten, miene Bedrenja un miene Fiend - see hauden Angst un follen.
3Wan een Häa sikj jäajen mie loagat, mien Hoat haft nich Angst; wan sikj jäajen mie een Kjrich erhäft, doaropp vetru ekj:
4Eent bedd ekj vom Harn, doano well ekj trachten; too wonen em Hus Gottes aule Doag en mienem Läwen, om auntokjikjen de Leeftol {Sach.11,7.10} Gottes un notodenkjen en sienem Tempel.
5Dan hee woat mie bedakjen en sienem Zelt {Ps.31,21} aum Dach daut Onheils, hee woat mie vestoppen en däm Vestäakj en sienem Zelt; opp eenem Fels woat hee mie erhäwen.
6Un dan woat mien Haupt erhowen sennen äwa miene Fiend om mie rom; un Jubelopfa well ekj opfren en sienem Zelt, ekj well sinjen un jesangspälen däm Harn.
7Hea, Har, met miene Stemm roop ekj; un sie mie jnädich un erhia mie!
8Von die haft mien Hoat jesajcht: Du sajchst: Sieekjt mien Aunjesecht! - Dien Aunjesecht, Har, sieekj ekj.
9Vestäakj dien Aunjesecht nich fa mie, wies dienen Kjnajcht em Oaja nich auf! Du best mien Helpa jewast; lot mie nich un velot mie nich, Gott mien Heil! 10Wan mien Voda un miene Mutta mie veloten hauden, soo nemm doch Har mie opp.
11Lia mie, Har, dienen Wajch, un leid mie opp jlikje Stiej om miene Fiend äa wellen!
12Jeff mie nich däm Jia miena Bedrenja han! Dan faulsche Zeijen sent jäajen mie oppjestonen un dee doa Jewault schniwt.
13Wan ekj nich jejleeft haud, daut Goode vom Harn to seenen em Launt de Läwendje...!
14Vetru (hop, wacht) oppem Harn! Sie stoakj, un dien Hoat fot Moot, un vetru opp däm Harn!
Currently Selected:
Psalm 27: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
