Psalm 26
26
1Von David.
Recht mie, Har! Dan un miene Oschult ha ekj jewaundelt; un oppem Har ha ekj vetrut, ekj woa nich wanken.
2Proow mie, Har, un vesieekj mie; reinj miene Nieren un mien Hoat!
3Dan diene Jnod es ver miene Uagen, un en diene Woarheit waundel ekj.
4Ekj ha nich jesäten bie faulsche Lied (Leajna), un met Hinjalestje jinkj ekj nich om.
5Ekj ha de Vesaumlunk de Iebel doonende jehaust, un bie Fräfla (Gottloose) saut ekj nich.
6Ekj wausch en Oschult miene Henj, un omgo dienen Aultoa, Har, 7om to hieren loten diene dankboare Stemm, un om to vetalen aule diene Wundawoakjen.
8Har, ekj ha jeleeft de Städ (Wonunk) en dienem Hus un däm Wonuat diene Harlichkjeit.
9Rop miene Seel nich wajch met de Sinda, noch mien Läwen met Blootjierje (Blootmensche),
10un dän äare Henj beeset Väahaben (Fräfel) es, un dee äare Rajchte voll Bestäakjung (toom Bekjeepe) es.
11Oba ekj woa waundlen en miene Oschult. Erlees mie un sie mie jnädich!
12Mien Foot steit opp jlikjem Grunt: Däm Har woa ekj danken enne Vesaumlungen.
Currently Selected:
Psalm 26: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
