Psalm 25
25
1Von David.
No die, Har, erhäw ekj miene Seel.
2Mien Gott, opp die vetru ekj: Lot mie nich beschämt woaren, lot miene Fiend sikj nich äwa mie freien.
3Uk woaren aule, dee opp die hopen, nich beschämt woaren; daut woaren beschämt woaren, dee onen Uasoak ontru haundlen.
4Diene Wäaj, Har, doo mie to weeten, diene Stiej lia mie!
5Leid mie en diene Woarheit un lia mie, dan du best dee Gott von mienem Heil; opp die hop ekj däm gaunzen Dach.
6Jedenkj diene Erboarmungen, Har, un diene Jnod (Leew); dan von Eewichkjeit häa sent dee.
7Jedenkj nich aun de Sinden en miene Jugent, noch aun miene Äwaträdungen; jedenkj du mie no diene Jnod, om diene Boarmhoatichkjeit wellen, Har!
8Goot un jerajcht (jlikj ut) es de Har, doarom wiest hee de Sinda opp däm rajchten Wajch.
9Hee leit de Saunftmootje (Älendje) nom Rajcht un lieet de Saunftmootje sienen Wajch.
10Aule Stiej vom Harn sent Jnod un Woarheit fa dee, dee sienen Bunt un siene Zeijnise bewoaren.
11Om dienen Nomen wellen, Har, woascht du miene Schult (Vegonen) vejäwen {2Mo.34,9}; dan dee es groot.
12Wäa es dan dee Maun, dee däm Harn fercht? Hee woat am däm Wajch wiesen, däm hee wälen saul.
13Siene Seel woat em Jlekj wonen, un sien Somen daut Launt besetten.
14Daut Jeheemnis Gottes es fa dee, dee am ferchten, un sien Bunt, om an dän seljen toweeten loten.
15Miene Uagen sent emma oppem Harn jerecht; dan hee woat miene Feet rutfieren ut däm Nat.
16Drei die no mie un sie mie jnädich, dan ekj sie eensom un em älent.
17De Angst en mienem Hoat haft toojenomen; brinj mie rut ut miene Bedrenkjnisen!
18See aun mien Älent un miene Pien, un vejeef mie aule miene Sinden!
19Kjikj opp miene Fiend, dan dee sent väl, un met grausomen Hauss haussen see mie.
20Bewoa miene Seel un rad mie! Lot mie nich beschämt woaren, dan ekj tru opp die.
21Oschult un Woarheit (Opprechtichkjeit) muchten mie bewoaren, dan ekj hop opp die.
22Erlees Israel, oo Gott, ut aule siene Noot!
Currently Selected:
Psalm 25: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
