Psalm 24
24
1Von David. Een Psalm.
Dem Har siene es de Ieed un aules waut doabennen es, de Ieedkjreis un dee doabowen wonen.
2Dan hee haft dee jejrindet äwa Mäare, un äwa Streem dee faust jestalt.
3Wäa woat opp dän Boajch Gottes stieen, un wia woat stonen aun siene heilje Städ?
4Dee oschuldje Henj un reinet Hoates es, dee nich too Faulschheit siene Seel erhäft un nich schwieet toom Bedrach.
5Hee woat jesäajent vom Harn, un Jerajchtichkjeit von däm Gott sien Heil.
6Dit es daut Jeschlajcht, dee no am trachten, dee dien Aunjesecht sieekjen - Jakob. (Sela)
7Erhäwt, jie Dooasch, june Heipta, un erhäft junt, eewje Puaten, doamet de Kjennich de Iea (Harlichkjeit) nenn trakjt!
8Wäa es disa Kjennich de Iea (Harlichkjeit)? De Har, stoakj un jewaultich! De Har, jewaultich em Kaumf!
9Erhäwt, jie Dooasch, june Heipta, un erhäft junt, eewje Puaten, doamet de Kjennich (Harlichkjeit) de Iea nenn trakjt!
10Wäa es disa Kjennich de Iea (Harlichkjeit)? Gott de Häaschoa, hee es de Kjennich de Harlichkjeit! (Sela)
Currently Selected:
Psalm 24: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
