Psalm 23
23
1Een Psalm von David.
De Har es mien Hoad, mie woat nuscht fälen.
2Hee loagat mie opp jreene Wäse, hee fieet mie aun stelle Wota.
3Hee stoakjt (beläwt) miene Seel, hee leit mie opp Wäaj de Jerajchtichkjeit om sienem Nomen haulwen.
4Uk wan ekj jinkj enne Läacht de Doodesschauten, ekj fercht kjeen Iebel, dan du best bie mie; dien Stock un diene Stett, dee treesten mie.
5Du moakst ver mie eenen Desch reed em Aunjesecht miene Fiend; du hast mien Haupt met Eelj jesaulft, mien Kuffel rant äwa.
6Blooss Goodet (Jlekj) un Jnod (Erboarmen) woaren mie foljen aule Doag en mienem Läwen; un ekj woa wonen em Hus vom Harn opp emma (Läwenslang).
Currently Selected:
Psalm 23: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
