Psalm 21
21
1Däm Väasenja. Een Psalm von David.
2En diene Krauft, Har, freit sikj de Kjennich, un woo sea freit hee sikj äwa diene Radunk!
3Däm Wensch en sienem Hoat hast du am jejäft, un daut velangen siene Leppen nich aufjewäsen. (Sela)
4Dan met goode Säajnungen kjemst du am entjäajen; opp sien Haupt satst du eene Kroon von reinem Golt.
5Hee bedd von die Läwen, du hast daut am jejäft: Lange Doag emma un eewich.
6Groot es siene Harlichkjeit derch diene Radunk; Majestät un Pracht lädst du opp am.
7Dan toom Säajen satst du am eewichlich; du muakst am froo met Freid derch dien Aunjesecht.
8Dan oppem Har vetrut de Kjennich, un derch däm Hechsten siene Jnod woat hee nich wanken.
9Diene Haunt woat finjen aule diene Fiend, finjen woat diene Rajchte diene Haussa.
10Aus eenen Fiaowen woascht du an moaken too Tiet bie dienem Erschienen; de Har woat an veschlinjen en sienem Oaja, un Fia woat an vetäaren.
11Äare Frucht woascht du von de Ieed vetiljen, un äaren Somen ut de Menschenkjinja.
12Dan see ha Beeset jäajen die jeplont, eenen Aunschlach hauden see em Senn: See woaren nuscht kjennen.
13Dan du woascht moaken, daut see trigjgonen, woascht dienen Boagen jäajen äa Aunjesecht rechten.
14Erhäw die Har, en diene Krauft! Wie wellen sinjen un Psalmen sinjen diene Macht.
Currently Selected:
Psalm 21: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
