Psalm 20
20
1Däm Väasenja. Een Psalm von David.
2De Har erhieet die aum Dach de Noot (Angst), de Nomen Gottes von Jakob sat die en Sechaheit.
3Hee schekjt die Help ut däm Heilichtum, un von Zion ut unjastett hee die.
4Hee jedenkjt aule diene Speisopfa, un dien Brauntopfa woat hee aunnämen. (Sela)
5Hee jeft die no dienem Hoaten, un aule diene Rotschläaj erfelt hee!
6Wie wellen jublen äwa diene Radunk, un em Nomen von onsem Gott daut Panier (Feldtieekjen) erhäwen. De Har erfelt aule diene Bedden!
7Nu weet ekj, daut de Har sienen Jesaulwden rad; ut sienem heiljen Himmel woat hee am erhieren derch de Macht (Krauft) daut Heils siene Rajchte.
8Dise denkjen aun Woages un jane aun Pieed, oba wie denkjen aum Nomen daut (vom) Harn, onsem Gott.
9Jane bekjen sikj un faulen, oba wie holen ons un stonen steil.
10Har rad! De Kjennich erhia ons aum Dach wan wie roopen!
Currently Selected:
Psalm 20: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
