Psalm 19
19
1Däm Väasenja. Een Psalm von David.
2De Himmel vetalen de Harlichkjeit Gottes, un de Utdänunk vekjindicht daut Woakj von siene Henj.
3Een Dach berecht daut däm aundren, un eene Nacht mald daut de Aundre.
4Kjeene Räd un kjeene Wieed, doch jehieet woat äare Stemm.
5Äare Motschnua jeit ut äwa de gaunze Ieed, un äare Sproak bot aun däm Enj vom Ieedkjreis; hee haft de Sonn en an (äare Medd) een Zelt jesat.
6Un see es aus een Briegaum, dee rut kjemt ut siene Schlopstow; see freit sikj aus een Held, too derchranen de Bon.
7Vom Enj de Himmel es äa Utgank, un äa Omranen es bat äarem Enj; un nuscht es fa äare Gluaje veborjen.
8Daut Jesaz Gottes es vollkomen, stoakjt de Seel; daut Zeichnis vom Harn es toovelotich, moakt kluak däm Eenfeltjen.
9De Väaschreften vom Harn sent rechtich un freien daut Hoat; daut Jeboot Gottes es rein, moakt de Uagen dach (seenent).
10De Forcht Gottes es rein un besteit en Eewichkjeit. De Rajchte vom Harn sent Woarheit, dee sent aula toop jerajcht; 11kjikj, dee sent mea wieet aus Golt un väl reinet Golt, un seeta aus Honnich un zoata Honnich.
12Uk dien Kjnajcht woat derch an belieet; em Beoobachten dee selje es groota Loon.
13Vebiestrunge, wia sitt dee en? Von veborjne Sinden reinj mie!
14Uk von Äwamootje hool dienen Kjnajcht trigj; lot an mie nich beharschen! Dan sie ekj dodenlloos un sie rein von groote Äwaträdungen.
15Lot de Räd ut mienem Mul un daut Sennen (Denkjen) en mienem Hoaten wooljefaulich ver die sennen, Har, mien Fels un mien Erleesa!
Currently Selected:
Psalm 19: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
