Psalm 17
17
1Een Jebäd von David.
Horch, Har, de Jerajchtichkjeit, horch opp mien Schrieen; nemm too Uaren mien Jebäd vonne Leppen onen Faulsch.
2Von dienem Aunjesecht jeit mien Rajcht ut; lot diene Uagen Opprechtichkjeit aunkjikjen.
3Du hast mien Hoat jeprooft, hast mie denacht derchforscht, du hast mie jereinicht - du fungst nuscht; miene Jedanken gonen nich wieda aus mien Mul.
4Waut daut Doonen de Menschen betraft, soo ha ekj mie derch daut Wuat diena Leppen bewoat fa de Wäaj de Vebräakja (Jewault doonende).
5Miene Schräd hilten faust aun diene Spuare, mien Gank haft nich jewankt.
6Ekj, ekj ha die aunjeroopt, dan du erhieescht mie, oo Gott, neij dien Ua no mie, hia mien Räden!
7Bewies diene wundaboare Huld, dee du derch diene Rajchte dee opp die Vetruende radst fa dän, dee sikj jäajen an erhäwen.
8Bewoa mie aus däm Uagaupel em Uag; vestäakj mie en däm Schauten diene Flichten - 9fa de Gottloose, dee mie äwawaultjen, miene Doodesfiend, dee om mie sent.
10Äa fatet Hoat veschluten see, met äarem Mul räden see stolt.
11En aul onse Schräd ha see ons nu omrinjt; see rechten äare Uagen doaropp, ons oppe Ieed too strakjen.
12Hee es aus een Leiw, dee jierich es om to verieten, un aus een junga Leiw, settent em Vestäakj.
13Sto opp, Har! Komm ver am, schmiet am dol! Rad miene Seel von däm Gottloosen derch dien Schwieet; 14von dee Lied derch diene Haunt, Har, von dee Lied dise Welt! Äa Deel es en disem Läwen, un äa Buck fellst du met dienem Schauz; see ha Säns dee saut woaren, un äarem Äwafluss loten see äare Kjinja.
15Ekj oba woa dien Aunjesecht seenen en Jerajchtichkjeit, woa saut woaren, wan ekj oppwakj, met dienem Bilt.
Currently Selected:
Psalm 17: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
