Psalm 16
16
1Een Miktam (Jedicht) von David.
Bewoa mie, Gott, dan ekj sieekj Tooflucht en (bie) die!
2Du, miene Seel, hast toom Harn jesajcht: Du best mien (dee) Har; daut jeft kjeen Jlekj fa mie buta die.
3 Du hast to de Heilje jesajcht, dee oppe Ieed (em Launt) sent, un to de Harliche: Aun an es aul miene Lost (Wooljefaulen).
4Väle woaren de Weedoag dee äare sennen, dee eenem aundren nogonen; äare Drinkjopfa von Bloot woa ekj nich droagen, un äaren Nomen nich opp miene Leppen nämen.
5De Har es daut Deel von mienem Oawgoot un mien Kuffel; du helst mien Loss.
6De Motschnua sent mie jefollen en leeftolje Uaten; jo, een scheenet Oawgoot es mie jeworden.
7Däm Har woa ekj danken, dee mie beroden haft, uk de Nacht belieren mie miene Nieren.
8Ekj ha däm Harn emma ver mie jestalt; wiels hee aun (too) miene Rajchte es, ekj woa nich wanken.
9Doarom freit sikj mien Hoat, un miene Seel (Iea) es froo (jubelt) {Ps.7,6; Ap.J.2,26}. Uk mien Fleesch woat en Sechaheit ruen.
10Dan miene Seel woascht du nich däm Scheol äwaloten, woascht nich tooloten, daut dien Fromma de Vewäsunk (Kul) sitt.
11Du woascht mie däm Wajch toom Läwen bekaunt moaken; eene Menj von (saut moakende) Freid es ver dienem Aunjesecht, Leeftol en diene Rajchte emmadoa.
Currently Selected:
Psalm 16: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
