Psalm 111
111
1Loft Gott (Jah)!
Lowen well ekj däm Harn von gaunzem Hoaten em Kjreiss de Opprechtje un enne Jemeent.
2Groot sent de Woakjen Gottes, dee woaren von aule erforscht, dee aun an Lost ha.
3Majestät un Pracht es sien Doonen; un siene Jerajchtichkjeit besteit eewich.
4Hee haft een Jedajchnis jejrind fa siene Wunda; jnädich un boarmhoatich es de Har.
5Hee haft dän Speise jejäft, dee am ferchten; hee jedenkjt en Eewichkjeit sien Bunt.
6Hee haft sienem Volkj toweeten loten de Krauft von siene Doten, om an to jäwen daut Oawdeel de Velkja.
7De Woakjen von siene Henj sent Woarheit un Rajcht; rajchtschaufen sent aule siene Väaschreften, 8faustjestalt opp emma, opp eewich, utjefieet en Woarheit un Opprechtichkjeit.
9Hee haft Erleesunk sienem Volkj jeschekjt, sienen Bunt opp eewich veordnet; heilich un furchtboa es sien Nomen.
10De Forcht Gottes es de Weisheit Aunfank; goode Ensecht ha aule, dee daut uteewen. Sien Riem besteit eewich.
Currently Selected:
Psalm 111: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
