Psalm 112
112
1Loft Gott (Jah)!
Jlekjseelich de Maun, dee däm Harn fercht, dee groote Lost haft aun siene Jebooten!
2Sien Somen woat majchtich sennen oppe Ieed; daut woat jesäajent woaren daut Jeschlajcht de Opprechtje.
3Vemäajen un Rikjtum woat en sienem Hus sennen, un siene Jerajchtichkjeit besteit eewich.
4Däm Opprechtjen jeit Licht opp enne Diestanis; hee es jnädich boarmhoatich un jerajcht.
5Wool däm Maun, dee jnädich es un liet! Hee woat siene Sachen em Jerecht derchfieren; 6dan en Eewichkjeit woat hee faust stonen. Toom eewjen Aundenkjen woat de Jerajchta sennen.
7Hee woat sikj nich ferchten fa beese Norecht; sien Hoat es faust, vetrut faust oppem Harn.
8Befaustijt (jestett) es sien Hoat; hee fercht sikj nich, bat hee siene Lost sitt aun siene Bedrenja.
9Hee streit ut, jeft däm Oamen; siene Jerajchtichkjeit besteit eewich; sien Huarn woat jehowen woaren en (met) Iea.
10De Gottloosa woat daut seenen un sikj oajren; met siene Tänen woat hee kjnirschen un vegonen, daut Jankren de Gottloose woat unjagonen.
Currently Selected:
Psalm 112: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
