Psalm 110
110
1Von David. Een Psalm.
De Har säd to mienem Harn: Sat die aun miene Rajchte; bat ekj diene Fiend laj aune Footbenkj diene Feet!
2Daut Zepta diena Macht woat de Har ut Zion schekjen; harschen enne Medd von diene Fiend!
3Dien Volkj woat voll Wellichkjeit sennen aum Dach diene Macht; en heilje Pracht, ut däm Schoot de Morjenroot woat die de Deiw diene Jugent komen.
4Jeschwuaren haft de Har, un daut woat am nich leet doonen: «Du best Priesta en Eewichkjeit no de Wies Melchisedek!»
5De Har aun diene Rajchte, veschmatat Kjennichs aum Dach en sienem Oaja.
6Hee woat unja de Velkja rechten, hee felt aules met Doodje; daut Haupt äwa een grootet Launt veschmatat hee.
7Oppem Wajch woat hee drinkjen, ut däm Stroom, doarom woat hee daut Haupt opphäwen.
Currently Selected:
Psalm 110: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
