Psalm 108
108
1Een Leet. Een Psalm. Von David.
2Faust es mien Hoat {Ps.57,8-12}, oo Gott! Ekj well sinjen un Psalmen sinjen; uk miene Seel {Ps.7,5}.
3Woak opp, Hoap un Zitta! Ekj well de Morjeroote oppwakjen.
4Ekj well die lowen unja de Velkja, Har, un die besinjen unja de Nazionen; 5dan groot es diene Jnod, bat äwa de Himmel, un bat aune Wolkjen diene Tru.
6Erhäw die äwa de Himmel, oo Gott! Un äwa de gaunze Ieed es diene Harlichkjeit!
7Doamet diene Jeleewde {Ps.60,7-14} frie jemoakt woaren, rad derch diene Rajchte un erhia ons!
8Gott haft en siene Heilichkjeit jerät: Ekj well froo sennen, well Siechem vedeelen, un de Läacht Sukkot utmäten.
9Mien es Gilead, mien Manasse, un Efraim es de Macht von mienem Haupt, Juda mien Harschastock.
10Moab es miene Wauschkomm; opp Edom well ekj miene Schoo schmieten, äwa de Filista well ekj jublen.
11Wäa woat mie enne fauste Staut fieren, wäa woat mie bat no Edom leiden?
12Nich du, Gott, dee du ons veschmäten hast un nich utjinkjst, oo Gott, met onse Häasch?
13Schauf ons ne Halp ut de Bedrenkjnis! Dan de Help von Menschen es iedel.
14Met Gott woa wie majchtje Doten doonen; un hee, hee woat onse Bedrenja veklunjen.
Currently Selected:
Psalm 108: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
