Psalm 105
105
1Dankt däm Harn, roopt sienen Nomen aun, moakt unja de Velkja siene Doten to weeten.
2Sinjt fa am, sinjt am Psalmen; räd äwa aule siene Wundawoakjen.
3Riemt junt en sienem heiljen Nomen! Daut freit sikj dee äa Hoat, dee däm Harn sieekjen.
4Froacht nom Harn un siene Macht, sieekjt bestendich sien Aunjesecht.
5Jedenkjt aun siene Wundawoakjen, dee hee jedonen haft, siene Tieekjen un de Uadeelen ut sienem Mul!
6 Du Somen von Abraham, sien Kjnajcht, jie Säns von Jakob, siene Uterwälde.
7Hee, de Har, es ons Gott; siene Jerechten sent opp de gaunze Ieed.
8Hee jedenkjt eewich aun sienen Bunt, aun daut Wuat, daut hee jeboden haft opp 1000 Jeschlajchta han, -
9däm hee jemoakt haft met Abraham, un sienen Eit, däm hee Isaak jeschwuaren haft.
10Un hee stald en Jakob too Sazunk, Israel toom eewjen Bunt, 11endäm hee säd: Die well ekj daut Launt Kanaan jäwen aus Aundeel von junem Oawgoot.
12Aus see eene jerinje Zol wieren, gaunz weinich un Framde doabennen; 13un aus see waundaden vom Volkj too Volkj, von eenem Kjennichrikj to eenem aundrem Volkj.
14Hee leet kjeenem Mensch too, an too bedrenjen, un äat haulwen stroft hee Kjennichs:
15«Taust miene Jesaulwte nich aun, un miene Profeeten doot nuscht Beeset!»
16Un hee roopt eene Hungaschnoot äwa daut Launt; jiedre Stett von Broot vebruak hee.
17Hee schekjt eenen Maun ver an häa, Josef wort aus Kjnajcht vekoft.
18See prasste siene Feet en een Stock (Faslen), hee kjeem en daut Iesa, 19bot de Tiet, doa sien Wuat enntroff; daut Wuat Gottes am jereinicht haud.
20De Kjennich schekjt han un leet am loos, de Harscha äwa de Velkja, un muak am frie; 21hee sad am toom Haren äwa sien Hus, un toom Harscha äwa aul sien Ieejentum, 22om siene Ferschten too binjen no siene Lost, un daut hee siene Eltestasch Weisheit lieed.
23Un Israel kaum no Ägipten, un Jakob hild sikj em Launt Ham opp.
24Un hee muak sien Volkj sea fruchtboa, un muak daut stoakja aus siene Bedrenja.
25Hee dreid äa Hoat, sien Volkj too haussen, Oajalest too eewen aun siene Kjnajchts.
26Hee schekjt Moses, sienen Kjnajcht, Aaron, däm hee uterwält haud.
27See deeden unja an siene Tieekjen, un Wunda em Launt Ham.
28Hee schekjt Diestanis un muak diesta; un see wieren nich wadaspanstich jäajen siene Wieed.
29Hee vewaundeld äare Wota en Bloot, un leet äare Fesch stoawen.
30Daut wimeld äa Launt voll Poggen, enne Stowen de Kjennichs.
31Hee säd, un daut kaumen Hunjsfläaje, Stäakjmidje en aul äare Jrensen.
32Hee jeef an Hoagel aus Räajen, flaumendet Fia en äarem Launt; 33un hee schluach äare Wienstakj un Fiejebeem, un vebruak de Beem en äarem Launt.
34Hee säd, un daut kaumen Heischrakjen un Grausshoppasch onen Zol; 35un dee frauten aulet Krut en äarem Launt un frauten de Frucht von äare Stap.
36Un hee schluach aule Ieeschtjeburt en äarem Launt, dee aule Ieeschte äare Krauft.
37Un hee fieed an rut met Selwa un Golt, un kjeen Kjrenkjlicha wia en siene Stam.
38Froo wia Ägipten, daut see uttrocken; dan äa Schrakj wia opp an jefollen.
39Hee spreed eene Wolkj aus eene Dakj ut, un een Fia, de Nacht too bedache.
40See foddaden, un hee leet Puttjenutts komen; un met Broot vom Himmel foodad hee an.
41Hee muak däm Steen op, un daut rand Wota rut; dee randen enne drieeje Uaten aus een Stroom.
42Dan hee docht aun sien heiljet Wuat, Abraham, sienem Kjnajcht.
43Un hee fieed sien Volkj rut met Freid, met Jubel siene Uterwälde.
44Un hee gauf an de Lenda de Velkja, un daut von dee Velkja naumen see aus Ieejentum; 45doamet see siene Sazungen beoobachten un siene Jesazen bewoaren. Loft däm Har!
Currently Selected:
Psalm 105: PBJHF
Highlight
Copy
Compare
Share
Want to have your highlights saved across all your devices? Sign up or sign in
© SW-Radio e.V.
